December 2022

પરમ પૂજ્ય શંકરાચાર્યજી શ્રી સદાનંદ સરસ્વતીજી મહારાજ (દ્વારિકાપીઠ) આદિ આચાર્ય શ્રી શંકરાચાર્યજીએ સ્થાપેલ ચાર પીઠ માહેની એક એટલે દ્વારિકાની શારદાપીઠ. આ શારદાપીઠના આચાર્ય શ્રી સદાનંદ સરસ્વતીજી મહારાજ તા. ૦૮ ડિસેમ્બર, ૨૦૨૨ના રોજ SGVP ગુરુકુલની મુલાકાતે પધાર્યા હતા. ગુરુવર્ય શાસ્ત્રી શ્રી માધવપ્રિયદાસજીએ સ્વામીએ પૂજ્ય મહારાજશ્રીનું સ્વાગત-સન્માન કરી પ્રાસંગિક ઉદ્બોધન કર્યું હતું.

શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ્‌ (SGVP) અમદાવાદ દ્વારા કાર્યરત દર્શનમ્‌ સંસ્કૃત મહાવિદ્યાલય દ્વારા માગશર સુદી એકાદશી તારીખ ૩ ડિસેમ્બર, ૨૦૨૨ના રોજ ગીતા જયંતિની ઉજવણી કરવામાં આવી હતી. પરમ પૂજ્ય ગુરુવર્ય શ્રી માધવપ્રિયદાસજી સ્વામીની પ્રેરણાથી ગીતા જયંતિના દિવસે મહાવિદ્યાલયના આચાર્યો, ઋષિકુમારો તથા સંતો દ્વારા પ્રાતઃકાળે સંપૂર્ણ ભગવદ્‌ ગીતાનું સામુહિક ગાન કરવામાં આવ્યું હતું.