Chharodi

Compliments to Hon. New CM Bhupendrabhai Patel - 2021

મુખ્યમંત્રી પદ ગ્રહણ કરતાં પહેલા માનનીય પૂર્વ નામીત મુખ્યમંત્રી શ્રી ભુપેન્દ્રભાઈ પટેલ, SGVP શ્રી સ્વામિનારાયણ ગુરુકુલ, છારોડી ખાતે દર્શને તથા સંતોના આશીર્વાદ લેવા પધાર્યા હતા.

પૂજ્ય ગુરુવર્ય શાસ્ત્રી શ્રી માધવપ્રિયદાસજી અને પૂજ્ય પુરાણી શ્રી બાલકૃષ્ણદાસજી સ્વામીએ, ઋષિકુમારો દ્વારા વૈદિક મંત્રગાન અને પૂર્ણકુંભ સાથે તેમનું સ્વાગત કર્યું હતું, અને રાજ્ય સંચાલનમાં સફળતા માટે શુભ કામના પાઠવી હતી.

Gurupurnima Festival - 2021

૨૪ જુલાઇ ૨૦૨૧, ગુરુ પૂર્ણિમાના પાવન પ્રસંગે, વહેલી સવારે SGVP ગુરુકુલની વિશાળ યજ્ઞશાળામાં દર્શનમ્ સંસ્કૃત મહાવિદ્યાલયમાં શુક્લયજુર્વેદ, કૃષ્ણયજુર્વેદ, સામવેદ અને અથર્વવેદનો અભ્યાસ કરતા નાના ઋષિકુમારોએ વૈદિક મંત્રોના ગાન સાથે, મહાકાય અજાનબાહુ વ્યાસ ભગવાનની મૂર્તિનું પૂજન કર્યું હતું. આ પ્રસંગે ખાસ વિષ્ણુ યાગ રાખવામાં આવેલ.

Rathyatra - 2021

રથ યાત્રાના પાવન દિવસે દર વર્ષે ગુરુકુલ દ્વારા અમદાવાદ પશ્ચિમ વિસ્તારમાં રથયાત્રાનું આયોજન કરવામાં આવે છે. પરંતુ આ વરસે કોરાના મહામારીના કારણે પશ્ચિમ વિસ્તારમાં રથયાત્રા બંધ રાખેલ છે. તેને બદલે સરકારશ્રીના નિર્દેશ મુજબ શ્રી સ્વામિનારાયણ ગુરુકુલ, અમદાવાદ મેમનગરમાં શ્રી જગન્નાથ ભગવાનનું પૂજન કરી SGVP છારોડી ગુરુકુલના પરિસરમાં રથમાં જગન્નાથ ભગવાન, બળદેવજી અને સુભદ્રાબેનને પધરાવી વિદ્વાન શ્રી રામપ્રિયજી અને પ્રધાનચાર્ય અર્જુનાચાર્યજી તથા લક્ષ્મીનારાયાણજીએ મંત્રગાન સાથે પૂજન કરાવ્યુ હતું અને ત્યારબાદ  છારોડી ગુરુકુલ પરિસરમાં જ રથયાત્રા રુપે ફરી હતી.

Oxygen tank unveiling - 2021

શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ્‌ (SGVP) સંસ્થા દ્વારા પૂજ્ય ગુરુવર્ય શાસ્ત્રી શ્રી માધવપ્રિયદાસજીની પ્રેરણા, પૂજ્ય પુરાણી સ્વામી શ્રી ભક્તિપ્રકાશદાસજી સ્વામીના આશીર્વાદ અને પૂજ્ય પુરાણી શ્રી બાલકૃષ્ણદાસજી સ્વામીના માર્ગદર્શન પ્રમાણે શિક્ષણ, પર્યાવરણ તથા સમાજ ક્ષેત્રે અનેક સેવાકાર્યો થઈ રહ્યા છે.

આ સેવાકાર્યના નૂતન સોપાન તરીકે SGVP હોલિસ્ટિક હોસ્પિટલનો પ્રારંભ કરવામાં આવ્યો છે. તારીખ ૦૩ ડિસેમ્બર ૨૦૧૭ના રોજ માનનીય પ્રધાનમંત્રીશ્રી નરેન્દ્રભાઈ મોદીએ હોસ્પિટલનું લોકાર્પણ કરીને આ સેવાનો પ્રારંભ કરાવ્યો હતો.

Tau te (Tauktae) Cyclone disaster rehabilitation services - 2021

શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ્‌ (SGVP) અમદાવાદ સંસ્થા દ્વારા ગુરુવર્ય શાસ્ત્રી શ્રી માધવપ્રિયદાસજી સ્વામી તથા પુરાણી શ્રી બાલકૃષ્ણદાસજી સ્વામીના માર્ગદશન નીચે શિક્ષણ તથા સમાજ ક્ષેત્રે અનેક સેવાકાર્યો થઈ રહ્યા છે.

કોરોના મહામારી દરમિયાન SGVP હોલિસ્ટિક હોસ્પિટલમાં અનેક દર્દીઓએ સારવાર મેળવી છે, અનેક ભૂખ્યાઓએ ભોજન મેળવ્યું છે. ઉપરાંત ઉત્તમ ગુણવત્તા યુક્ત માસ્કનું વિતરણ થયું, આરોગ્ય તથા ઇમ્યુનિટી વધારનારી આયુર્વેદિક કીટનું વિતરણ કરવામાં આવ્યું છે.

Donation of Oxygen Concentrators - 2021

હાલ કોરોના મહામારીની વિકટ પરિસ્થિતિમાં SGVP ગુરુકુલ દ્વારા સંસ્થાના અધ્યક્ષ સ્વામી શ્રી માધવપ્રિયદાસજીની પ્રેરણાથી ‘SGVP ગુરુકુલ હોલિસ્ટિક હોસ્પિટલ’માં ખૂબ સારી રીતે દર્દીઓની સારવાર થઈ રહી છે.

ગુરુકુલનું નૈસર્ગિક તથા સાત્વિક વાતાવરણ, નિષ્ઠાવાન ડૉક્ટર્સ અને વૈદ્યોના પુરુષાર્થને કારણે કોરોના તથા અન્ય રોગોના દર્દીઓ હોસ્પિટલમાં સારવાર લઈને ખૂબ સંતોષ સાથે ઘરે પરત ફરે છે.

Shri Hanuman Jayanti - 2021

ચૈત્ર સુદ પુનમ તા. ૨૭ એપ્રિલ ૨૦૨૧, હનુમાનજી મહારાજના જન્મદિન પર્વે SGVP ગુરુકુલ પરિસરમાં આવેલ હનુમાન ગઢી ખાતે ગુરુવર્ય શાસ્ત્રી શ્રી માધવપ્રિયદાસજી સ્વામી અને અન્ય સંતોની ઉપસ્થિતિમાં હનુમાનજી મહારાજનું ષોડશોપચાર સાથે પૂજન કરી મારુતિ યજ્ઞ કર્યો હતો.

આ મારુતિ યજ્ઞમાં ઘી, તલ, સરસવ, આંકડો, પાયસ, વગેરે પંચદ્રવ્યોથી હનુમદ્ મંત્ર તથા હનુમાન માલા મંત્રથી અગ્નિનારાયણને ૧૦૮ આહુતિ આપવામાં આવી હતી. પૂજ્ય સ્વામીજીએ યજ્ઞાન્તે પૂર્ણાહૂતિની આરતિ ઉતારી હતી.

Shree Ram - Shree Hari Janmotsav - 2021

ચૈત્ર માસમાં સુદી નવમીનો દિવસ ભગવાન શ્રી રામચંદ્ર અને ભગવાન શ્રી સ્વામિનારાયણનો પ્રાગટ્ય દિવસ છે. ભરતવર્ષમાં અને ખાસ કરીને સ્વામિનારાયણ સંપ્રદાયમાં બંને અવતારોનો પ્રાગટ્ય મહોત્સવ ઉજવાય છે.

એસજીવીપી ગુરુકુલ પરિવારના દરેક શાખા ગુરુકુલોમાં પણ સ્થાનિક સંતો-ભક્તો દ્વારા બપોરે (મધ્યાહને) ૧૨:૦૦ કલાકે ભગવાન શ્રી રામચંદ્ર અને રાત્રે ૧૦:૧૦ કલાકે ભગવાન શ્રી સ્વામિનારાયણના પ્રાગટયને ભક્તિભાવથી ઉજવવામાં આવ્યા હતા. કોરોના મહામારીને કારણે સરકારી નિયમ પ્રમાણે માત્ર સ્થાનિક સંતો અને ભકતોની ઉપસ્થિતિમાં ઓન લાઇન ઉત્સવનું આયોજન થયું હતું.

GPL – 10 Opening Ceremony - 2021

શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ્ એસજીવીપી સૂર્યા સ્પોર્ટસ એકેડેમી દ્વારા ગુજરાતની મોટામાં મોટી નાઇટ ક્રિકેટ ટુર્નામેન્ટ GPL-૧૦ નું આયોજન SGVP ખાતે તા. ૧૫ માર્ચ 2021ના રોજ સાંજે ૦૭:૦૦ કલાકે કરવામાં આવ્યું હતું.

Grapes Celebration (Draksh Falkut Utsav) - 2021

મહાશિવરાત્રિના મંગળ પર્વે ગુરુવર્ય શાસ્ત્રી શ્રી માધવપ્રિયદાસજી સ્વામીની પ્રેરણાથી SGVP ખાતે સંત નિવાસમાં વિરાજમાન શ્રી ઘનશ્યામ મહારાજને દ્રાક્ષનો ફલકૂટ અર્પણ કરવામાં આવ્યો હતો.

ધર્મજીવન હોસ્ટેલના અંગ્રેજી માધ્યમના વિદ્યાર્થીઓએ આ દ્રાક્ષ ફલકૂટમાં સહયોગ આપીને શ્રી ઘનશ્યામ મહારાજને ૭૦૦ કિલો જેટલી દ્રાક્ષ ફલકૂટના રૂપમાં ધરાવવામાં આવી હતી.

Pages